【18区扫食】佐敦发现 $50爆泻铁板扒+港版老天禄

2020-06-11  阅读 468 次

今次带大家食到佐敦,有间新开嘅韩国快餐店大卖铁板芝士炸鸡,折晒骨嘅鸡肉,拉丝后可以一啖吞落口!仲有新开嘅过江日式拉麵、港版老天禄同$18糖水,仲等咩?立即出发 gogogo!

日本过江拉麵 浓香鱼介豚骨汤底

刚于12月开业的拉麵店,于日本有8间分店,店内有日本师傅坐镇,招牌鱼介豚骨汤底每日用大量猪骨加日本直送的鱼介、蔬菜,以猛火熬足 12 小时,是日本店多年秘方,汤头浓郁鲜味。麵条有1.5mm直幼麵及1.25mm幼麵选择,落单时可选择硬度。

【18区扫食】佐敦发现 $50爆泻铁板扒+港版老天禄
招牌熊拉麵 $83 叉烧鬆软有肉香,招牌鱼介豚骨汤底用咗12小时熬製,饮完唔口渴!
【18区扫食】佐敦发现 $50爆泻铁板扒+港版老天禄
糖心蛋好流心!用上秘製酱油煮成,味道香浓有蛋香!
【18区扫食】佐敦发现 $50爆泻铁板扒+港版老天禄
黑熊拉麵 $78 为香港店特别研发的黑蒜油,加入特製的黑蒜油及炸蒜,食开重口味嘅可以试呢款。
【18区扫食】佐敦发现 $50爆泻铁板扒+港版老天禄
熊自家製饺子 $38
【18区扫食】佐敦发现 $50爆泻铁板扒+港版老天禄
自家製饺子有猪肉、洋葱、椰菜,鲜甜有肉汁,必食!
【18区扫食】佐敦发现 $50爆泻铁板扒+港版老天禄
可以见到师傅们整麵~

【18区扫食】佐敦发现 $50爆泻铁板扒+港版老天禄

熊拉麵

地址:佐敦白加士街8号地舖(显示地图)

电话:2567 2777

营业时间:11:30am-3pm, 6pm-10pm

港版老天禄 十几廿蚊有交易

开业半年嘅本地广东滷水店,格局似足台湾老天禄,滷味放埋喺玻璃柜内任君选择。有近廿多款滷味及少量凉拌菜式,大路的有鸭舌、金钱肚、鸡髀等,最特别有鲍鱼仔同牛腩。价钱唔太贵,虽然明码实价写足几钱斤,不过想买少少都唔使逐斤买,买十零廿蚊都可以。即场食嘅可以帮你叮,外卖嘅会额外跟一碟滷水汁,而且都喺用胶盒装,直接放入微波炉叮非常方便。店员都好nice,唔知咩好食可以叫佢地帮忙推介,亦都可以试味。

【18区扫食】佐敦发现 $50爆泻铁板扒+港版老天禄
惹味鸭舌 $34 ($68/4两或$268/斤) 几嫩滑,滷水味道虽然无咁浓味,偏近清淡,胜在食完都无口渴。
【18区扫食】佐敦发现 $50爆泻铁板扒+港版老天禄
滷水鲍鱼仔 $18/只 非常爽弹,推介!
【18区扫食】佐敦发现 $50爆泻铁板扒+港版老天禄
滷水牛腩 $26,$88/半斤 识食一定食肥啲!廿几蚊份量都ok,可以问店员拎埋自家製辣椒油一齐食。
【18区扫食】佐敦发现 $50爆泻铁板扒+港版老天禄
滷味放晒喺透明玻璃柜内,非常卫生。

【18区扫食】佐敦发现 $50爆泻铁板扒+港版老天禄

滷店

地址:佐敦上海街120号地舖(显示地图)

电话:2251 9383

营业时间:12nn-11pm

非一般抵食茶记 $32醉鸡汤麵

Lunch Time时间好多上班族都过嚟食,贪呢度价钱平又大大份,最多人你任你点粉麵餐,一麵配一款车仔麵餸,最平都係$28,加多几蚊$32餐仲可以拣醉香鸡、醉香虾、无锡排骨等,仲送埋餐饮,去边搵!仲有劲抵食铁板捞麵餐,杂扒餐都係$50,份量仲堆到成个山咁满泻晒,不过繁忙时间可能要等耐少少。

【18区扫食】佐敦发现 $50爆泻铁板扒+港版老天禄
任你点粉麵餐(醉香鸡配河粉) $32 可以拣1餸1麵,醉香鸡大份量,一个男人食都叫饱!食落鸡肉够滑,更有淡淡酒香。
【18区扫食】佐敦发现 $50爆泻铁板扒+港版老天禄
餐饮除大路柠茶奶茶外,仲有哈蜜瓜汁、蜜桃汁同西梅汁。
【18区扫食】佐敦发现 $50爆泻铁板扒+港版老天禄
杂扒铁板捞麵(黑椒汁) $50 连饮品 极抵食!茶记都无佢咁平,出面闲闲地食个扒餐都过百,呢个餐有齐牛、猪、鸡扒,仲有火腿同肠仔,差啲唔够位坐,麻甩最爱!

【18区扫食】佐敦发现 $50爆泻铁板扒+港版老天禄 【18区扫食】佐敦发现 $50爆泻铁板扒+港版老天禄

大观麵膳

地址:佐敦文苑街29号地下B舖(显示地图)

电话:5572 9436

营业时间:11:30am-11pm

韩式快餐店 铁板芝士炸鸡

一望舖头蓝白相隔墙身,非常舒服,入到去亦有多张寛阔大枱。餐厅由韩国人开设,行埋收银点餐后返埋位等叫number,嘢食整好之后就自己拎餐埋位。芝士鸡最吸引,用热辣辣铁板上枱,折骨鸡肉整成圆滚滚鸡粒,炸后后加入韩式甜酱与芝士同焗,食落好惹味,仲可以整到拉丝效果~

【18区扫食】佐敦发现 $50爆泻铁板扒+港版老天禄
芝士鸡 $90 鸡肉有成十多件,折晒骨啖啖肉,酱料完全唔辣,芝士超香好惹味,不过食到最后唔喺几够芝士,要省啲使。
【18区扫食】佐敦发现 $50爆泻铁板扒+港版老天禄
紫菜饭卷(鱼饼) $45 除咗牛肉或猪鱼,可以拣鱼饼饭卷,包埋蛋、红萝蔔、黄瓜同菠菜,好丰富,食落饭粒亦有芝麻香!
【18区扫食】佐敦发现 $50爆泻铁板扒+港版老天禄
芝士香辣炒年糕 $35 芝士again!!酱料少辣,年糕烟韧刚刚好,仲有几块鱼糕,三十几蚊超抵食!
【18区扫食】佐敦发现 $50爆泻铁板扒+港版老天禄
多张大枱感觉好开扬舒服,店内亦有大screen播住韩国电视节目。

【18区扫食】佐敦发现 $50爆泻铁板扒+港版老天禄

Isaak’s

地址:佐敦柯士甸道19-23号永发大厦地下5号舖(显示地图)

电话:2701 6609

营业时间:11am-11pm

大只爆膏麵包蟹 重量级海鲜烧物

这家开了几个月的烧物店,以时令海鲜烧物做主打,海鲜够鲜味之余又大份。其中烧麵包蟹,蟹盖都有返咁上下份量,而且又多蟹膏,就咁烧都已经够晒鲜味。另外一款德国猪肉肠,好似「水蛇春」咁长,够晒份量!

【18区扫食】佐敦发现 $50爆泻铁板扒+港版老天禄
烧苏格兰麵包蟹 $98。
【18区扫食】佐敦发现 $50爆泻铁板扒+港版老天禄
麵包蟹超多膏啊!
【18区扫食】佐敦发现 $50爆泻铁板扒+港版老天禄
麵包蟹够新鲜,就咁加蒜蓉烧都已经够味。
【18区扫食】佐敦发现 $50爆泻铁板扒+港版老天禄
烧德国水蛇春猪肉肠 $58。
【18区扫食】佐敦发现 $50爆泻铁板扒+港版老天禄
汁烧生猛鲍鱼 $38。 鲍鱼肉质爽口,加埋蒜蓉好惹味。

竹一烧

地址:佐敦白加士街7号康宁大厦地舖

营业时间:星期一至日:12:00-00:00

电话:2659 9976

老饼出没 $3.5酥皮蛋挞

见到呢间舖头舖名都知佢够old school,区内包饼老舖,童年回忆嘅麵包西饼呢度都可以见到,朱古力三角西饼、大件蝴蝶酥同皮旦酥等等,沙翁、老婆饼都可以係到搵到,几蚊就有交易。舖头后面就喺厨房,师傅密密手,keep住有新鲜出炉麵包。

【18区扫食】佐敦发现 $50爆泻铁板扒+港版老天禄
朱古力三角饼 $5 超耐无见过!小编锺意食完朱古力包边先食入面蛋糕同忌廉,仲记得细细嗰成日食,不过而家买少见少lu。
【18区扫食】佐敦发现 $50爆泻铁板扒+港版老天禄
酥皮蛋挞 $3.5 $19/6个 想食都要等下佢出炉嫁,用农场鲜鸡蛋造,蛋香嫩滑,酥皮鬆化,食一个唔够啰!
【18区扫食】佐敦发现 $50爆泻铁板扒+港版老天禄
蝴蝶酥 $6 成只手咁大嘅蝴蝶酥,非常香脆。
【18区扫食】佐敦发现 $50爆泻铁板扒+港版老天禄
皮旦酥 $7 多层酥皮包着皮旦,好食!
【18区扫食】佐敦发现 $50爆泻铁板扒+港版老天禄
沙翁都有得买,非常老饼!
【18区扫食】佐敦发现 $50爆泻铁板扒+港版老天禄
不过最奇怪係有西多士卖!

【18区扫食】佐敦发现 $50爆泻铁板扒+港版老天禄【18区扫食】佐敦发现 $50爆泻铁板扒+港版老天禄

三藩市饼店

地址:佐敦庇利金街 61号地下(显示地图)

电话:3422 3667

营业时间:6am-11pm

$18糖水 秘速上枱

街坊成日食嘅糖水店,专卖港式糖水,芝麻糊绿豆沙凉粉等基本嘢有齐,仲有啲怀旧系列花生麦米粥,同双拼甜品,碟碟足料,仲要$20有找,基本上落单后糖水秒速上枱,超快手!

【18区扫食】佐敦发现 $50爆泻铁板扒+港版老天禄
腐竹蛋银杏 $18 清甜滋润,入口充满腐竹豆香,好食!

【18区扫食】佐敦发现 $50爆泻铁板扒+港版老天禄糖不甩 $15 糯米超烟韧,芝麻同糖落得唔孤寒。

【18区扫食】佐敦发现 $50爆泻铁板扒+港版老天禄
花生麦米粥 $18 买少见少系列,用料丰富,食落清甜。

【18区扫食】佐敦发现 $50爆泻铁板扒+港版老天禄

明记甜品

地址:佐敦吴松街98C地下(显示地图)

电话:2771 2392

 

延伸阅读:

【18区扫食】太子直击 爆膏蟹皇饭+肥厚菜甫蛋pizza

|18区扫食|深水埗8大惹味店 芝士鸡髀保龄球

上一篇:
下一篇: