【 新年开运 】麦玲玲教路:狗年开运攻略 新年必食白鱼 @D

2020-06-11  阅读 615 次

(Presented by JFOODO)

Photo:二筒

新正头咩都要讲意头,从饮食入手可以开运!唔好以为只有中国人先会迷信「年年有鱼(余)」,原来日本民间都相传水产有趋吉避凶嘅效果,所以日本人喺新年会食油甘鱼、鲷鱼、帆立贝,帮助催运。香港好多间寿司店嘅鱼类、水产都係由日本直送,今次JFOODO(The Japan Food Product Overseas Promotion Center)就同麦玲玲师傅合作,教大家 新年开运 「狗年风水鱼生攻略」,究竟咩生肖今年犯太岁?12个生肖分别适合食边款水产会对健康运好?今年12个生肖会有咩问题?师傅依家即刻解答!

麦玲玲狗年开运攻略:食白鱼 健康好意头

狗年好快到,个个都担心自己会唔会犯太岁,见到麦玲玲师傅,梗係请教下啦,「今年有5个生肖犯太岁,包括狗、龙、羊、牛、鸡,特别要注意健康。」佢仲话,健康同饮食息息相关,食白鱼对健康同心脏都有好处,而且白鱼嘅脂肪含量比红鱼少,多食都唔怕。

【 新年开运 】麦玲玲教路:狗年开运攻略 新年必食白鱼 @D
麦玲玲师傅提提属狗、龙、羊、牛、鸡嘅朋友,今年会犯太岁,要注意健康。
【 新年开运 】麦玲玲教路:狗年开运攻略 新年必食白鱼 @D
麦玲玲师傅和JFOODO副总监小野村拓志先生

日本开运传统 必食好意头水产

日本人同中国人一样,新年都好讲意头,JFOODO副总监小野村拓志先生就同大家讲下油甘鱼、鲷鱼、帆立贝嘅好意头含意!

麦玲玲师傅就讲下各个生肖嘅运程,同埋食咩水产可以提升健康运!

【 新年开运 】麦玲玲教路:狗年开运攻略 新年必食白鱼 @D
小野村拓志先生捧住冬季当造肥美嘅鲷鱼,当日仲即劏即食添,超新鲜!
【 新年开运 】麦玲玲教路:狗年开运攻略 新年必食白鱼 @D
油甘鱼、鲷鱼、帆立贝,喺日本人心目中各有好兆头,新正头食仲有助 新年开运 !

【油甘鱼】

别名有「出世鱼」之称,当鱼逐渐长大时,佢个名都会有所唔同,好似「步步高升」咁,亦有成功、幸运之意。冬季出产嘅油甘鱼,更加肥美鲜甜。

进食可增强健康运嘅生肖:鼠、牛、羊、猪

狗年运程

肖鼠:健康运无大碍,但要留意今年压力比较大,容易影响睡眠质素。

肖牛:今年有较多小病小痛,要注意消化系统毛病,尤其是出门时要注意饮食。

肖羊:较多琐碎小毛病,例如肠胃不适或皮肤敏感,亦容易失眠或跌倒扭伤,日常要注意安全。

肖猪:情绪稳定、心情开朗,应酬聚会频繁,所以要留意饮食及生活习惯;可能有喜事临门、容易怀孕。

【 新年开运 】麦玲玲教路:狗年开运攻略 新年必食白鱼 @D
油甘鱼有「步步高升」嘅好意头,亦有成功、幸运之意。

【鲷鱼】

每逢节庆食鲷鱼,係日本人嘅传统习俗,相传鲷鱼代表丰收之神,因为惠比寿手执一条鲷鱼现身,自此鲷鱼就成为幸运之鱼。冬天嘅鲷鱼油脂分布细密,口感鲜爽细腻。

进食可增强健康运嘅生肖:龙、马、鸡、兔

狗年运程

肖龙:稍加留意心脏、血压、肠胃、消化系统等问题,容易胡思乱想、脾气变得暴躁。

肖马:易因工作忙碌而有压力,今年也容易容易受伤,宜避免参加高危活动。

肖鸡:易因工作环境、人事纠纷而有压力,建议多接触大自然放鬆心情,亦有助改善睡眠质素。

肖兔:注意控制体重,提防心脏、血压、胆固醇等慢性疾病,多接触大自然有助减压。

【 新年开运 】麦玲玲教路:狗年开运攻略 新年必食白鱼 @D
鲷鱼寓意丰收,亦是幸运之鱼。

【帆立贝】

扇贝喺日文写作「帆立」,因为佢嘅形状同帆船嘅帆相似,有如帆船乘风启航、乘风破浪嘅意思,寓意一帆风顺。冬天食帆立贝,加倍肉嫩甜美。

进食可增强健康运嘅生肖:狗、虎、蛇、猴

狗年运程

肖狗:身体较多小毛病,家宅运稍弱,要留心长辈健康。

肖虎:健康运上升,只係工作压力大,易有睡眠问题,宜多接触大自然或做减压运动。

肖蛇:整体健康运无大碍,易因应酬频繁而影响作息,日常要更注意放鬆身心。

肖猴:整体健康不俗,奔波之余个人压力亦较大,多调整心态,注意作息。

【 新年开运 】麦玲玲教路:狗年开运攻略 新年必食白鱼 @D
帆立贝形状似风帆,有「乘风破浪」之意。

上一篇:
下一篇: