【18区扫食】狂扫 庙街 $7.7无骨炸鸡翼+老字号渣咋

2020-06-11  阅读 553 次

庙街 真係行得好前啰,早几日商会自己搞了个美食节,自创五架美食车,免费派了一千份小食俾街坊和游客。其实 庙街 一向係草根搵食重地,由油麻地延伸至佐敦柯士甸道,开得晏收得晏,啱晒夜鬼,今次我哋一于由街头扫到去街尾!

巴士小店 自创无骨炸鸡翼

庙街 有架巴士小店,主打自创小食,即叫即炸的无骨炸翼鸡最吸引,蘸三种粉炸成,超级香脆,除起每只$7.7,起骨手工都要啦,而且啖啖肉不用吐骨,企街食都可以保持仪态;乒乓波咁大的葱炸鱼蛋,每日自家手打,用九棍、门鳝、䱛仔三种鱼,加入葱和洋葱打成,炸得香口,一食就唔停口。此店在筲箕湾东大街打响名堂,依家杀到去 庙街 ,而鸡蛋仔就係得 庙街 店先有得食,鸡蛋仔跟足古方整,加入椰浆充满椰香,同平时食开嘅唔同。小店另外还有串烧、卤味和果汁等选择!

【18区扫食】狂扫 庙街  $7.7无骨炸鸡翼+老字号渣咋

外型扮巴士,又红又黄,够晒抢眼!

【18区扫食】狂扫 庙街  $7.7无骨炸鸡翼+老字号渣咋

无骨炸鸡 $54/份

一份共7只,即叫即炸,咬落去有少少似韩式炸鸡,但由于用的是鸡翼,所以肉质特别嫰滑,又有 Juicy 的鸡皮,好好味呀!

【18区扫食】狂扫 庙街  $7.7无骨炸鸡翼+老字号渣咋

炸鱼蛋 $12/4粒

乒乓波咁大粒,入面有葱和洋葱,胀卜卜,几有咬口又有鱼味,仲食到洋葱的甜味。

【18区扫食】狂扫 庙街  $7.7无骨炸鸡翼+老字号渣咋

鸡蛋仔 $16                                          外面脆口,入面鬆软,除蛋味之外仲食到椰浆香味。

小食皇

地址:佐敦九龙佐敦 庙街 134号(显示地图)

电话:5628 8062

营业时间:星期一至日 12nn-12mn

90年老字号 葡式渣咋

天气冻冻地,食碗暖笠笠糖水就就啱!鵞记渣咋在 庙街 开业超过90年,由街边车仔档做到入舖,糖水款式多,差不多每枱麵都点的招牌渣咋,做法跟足葡式煮法,入面有红豆、绿豆、红腰豆和西米等,再倒加入椰浆和花奶,有冻有热,超级足料。店内大部份糖水廿几蚊有交易,抵食!

【18区扫食】狂扫 庙街  $7.7无骨炸鸡翼+老字号渣咋

渣咋$24

所有豆煲到入口即溶,淋上花奶令渣咋更香更滑,味道少甜。

【18区扫食】狂扫 庙街  $7.7无骨炸鸡翼+老字号渣咋

陈皮海带绿豆糖水 $20

又陈皮又海带,好足料!一上枱便闻到好香豆味,有陈皮的香,不是一味死甜。

【18区扫食】狂扫 庙街  $7.7无骨炸鸡翼+老字号渣咋

麻蓉汤圆 $19

一碗有成8粒,汤圆皮烟靭,芝麻蓉香浓,姜汤微辣,食完成个人暖晒。

鵞记渣咋

地址:佐敦 庙街 226号地下(显示地图)

电话:2782 0508

营业时间:星期一至日1pm-12am

尼泊尔小店 重口味三层架

除了煲仔饭和蚝饼,去 庙街 ,其实还有一种菜式很值得食,就是尼泊尔菜!这一带住了很多尼泊尔人,尼泊尔餐厅也有很多,这间就开业快2年的小店,主打尼泊尔和印度菜,每晚都人气爆灯,个个都话又平又抵食。最吸睛的是扮三层架下午茶的开胃菜拼盘,精緻甜品变巨量重口味小食,顶层的青木瓜沙律有别于泰式做法,以麻油、辣酒油、芝麻、青柠、蒜和洋葱调味,三层架整体份量劲多,两个人斋食呢个都够饱。人多的话叫埋香辣饺子和香蒜薄饼,好味!老闆娘超 Nice,唔收加一,人均唔使$100,饱到爆!

【18区扫食】狂扫 庙街  $7.7无骨炸鸡翼+老字号渣咋

开胃菜拼盘 $168                                   青木瓜沙律、印度 Tandoori 无骨烧鸡、香料免治羊肉卷、杂菜咖哩角和杂菜天妇罗。

【18区扫食】狂扫 庙街  $7.7无骨炸鸡翼+老字号渣咋

铁板烧香辣饺子(鸡肉) $45/6只  

上枱时出晒烟,虽然红卜卜,但食落唔辣,惹味。

 

【18区扫食】狂扫 庙街  $7.7无骨炸鸡翼+老字号渣咋

尼泊尔鸡肉咖喱 $75,香蒜薄饼$22

咖喱跟足传统尼泊尔方式炮製,香而不辣;薄饼即叫即製,香蒜味重。

Asian Fusion

地址:油麻地 庙街 115号地下(显示地图)

电话:3542 5575

营业时间:星期一6pm-11:30pm,星期二至日:3pm-11:30pm

呃like必选 份子雪糕心太软

庙街 近柯士甸道有一间主打分子料理的café,早前推出梳乎厘焗饭,引来一阵哄动。其实店内的甜品才是主角!红白心太软一上枱出晒烟,当然要相机食先,红白份子雪糕,原是将红莓雪芭和云呢嗱雪糕浆加入-197度的液化氮急冻,变成一粒粒,配朱古力心太软同吃,一冻一热,又软又硬,好得意!最近仲有两款新推出的爆炸糖甜品,点可以唔试?

【18区扫食】狂扫 庙街  $7.7无骨炸鸡翼+老字号渣咋

红白心太软 $78                         一放低就烟雾瀰漫,卖相够杀食,食落仲好有口感添!

 

【18区扫食】狂扫 庙街  $7.7无骨炸鸡翼+老字号渣咋

野菇森林 $68

有开心果分子蛋糕、法式焦糖炖蛋泡泡、蛋白脆糖和爆炸糖,卖相好有童话feel,爆炸糖係咁爆,好过瘾!

 

【18区扫食】狂扫 庙街  $7.7无骨炸鸡翼+老字号渣咋

梳乎厘焗饭配龙虾尾$188

梳乎厘不会太甜,蛋白味道突出,啖啖饭都有浓郁的蛋白香。

SensedessertCafe

地址:佐敦 庙街 286-294号华至大厦地下6-8号舖(显示地图)

电话:2886 0949

营业时间:星期日至四12nn-11:30pm,星期五至六:12nn-1am

备注:设加一,收信用卡

饺子名店 分店首度过九龙

在港岛区有多间分店的北京饺子源,是蔡澜的爱店之一,最近终于过了九龙,在油麻地开分店,水準亦keep得到喎!短短开业近两星期已吸纳不少熟客,午市时段坐满人。餐牌上有近百款选择,饺子有12款,仲有素饺添,馅多之余仲有好多肉汁,正呀!

【18区扫食】狂扫 庙街  $7.7无骨炸鸡翼+老字号渣咋

煎鲜肉白菜饺 $29/5只                     饺子煎得香脆,肉馅十分 Juicy,配辣椒酱食更惹味。

 

【18区扫食】狂扫 庙街  $7.7无骨炸鸡翼+老字号渣咋

山东手撕鸡肉菜饭 $40                   山东老闆拿手作,嫰滑鸡肉淋上秘製酱汁,见到有豉油、葱和蒜,咸咸地好惹味,捞饭食就啱晒。

北京饺子源

地址:油麻地佐敦道26E号宝辉阁地下D舖(显示地图)

电话:2861 0688

营业时间:星期二至日12nn-11:30pm ,星期一休息

传统煲仔饭+怀旧猪骨粥

去到 庙街 不得不食煲仔饭,但次次都食四季和兴记,的确有点闷。附近的宏兴一样是老字号,除了煲仔饭,还有现在买少见少的猪骨粥,食蚝饼食得多,想转转花样,这里连煎虾饼都有!

【18区扫食】狂扫 庙街  $7.7无骨炸鸡翼+老字号渣咋

猪骨粥 $16

猪骨粥又绵又滑又香,食完即刻成个人暖晒!

【18区扫食】狂扫 庙街  $7.7无骨炸鸡翼+老字号渣咋

腊肠排骨煲仔饭 $40    

粒粒饭香,够乾身又有饭焦,排骨份量好多。

 

【18区扫食】狂扫 庙街  $7.7无骨炸鸡翼+老字号渣咋

豆豉鲮鱼煲仔饭 $40

煲仔饭餸愈出愈多款,连豆豉鲮鱼都有。

【18区扫食】狂扫 庙街  $7.7无骨炸鸡翼+老字号渣咋

煎虾饼 $35

好香蛋味,豆瓣酱係精髓,但虾饼唔够香脆。

宏兴美食馆

地址:油麻地 庙街 10号(显示地图)

电话:2384 6372

营业时间:星期一至日5pm-12mn

上一篇:
下一篇: